Presidenti amerikan Donald Trump tha se nuk ka janë pajtuar për të hequr tarifat ekzistuese ndaj mallrave kinezë, duke ulur shpresat për arritjen e një rezolute në luftën tregtare.

Ndërkohë ai kishte pasur optimizëm prej perspektivës së heqjes së tarifave

“Kina kërkon heqjen e tarifave. Unë nuk jam pajtuar për asgjë”, tha presidenti Trump, duke shtuar se bëhet fjalë për vetëm një pjesë të tarifave.

Ministra kineze e Tregtisë bëri të ditur më herët gjatë javës se negociatorët e Uashingtonit dhe Pekini kishin rënë dakord për të hequr një pjesë të tarifave ndaj produkteve në faza të ndryshme të marrëveshjes tregtare.

Kina dhe Shtetet e Bashkuara kanë bashkëpunuar për nënshkrimin e një marrëveshjeje, që Washingtoni e quan fazën e parë të zgjidhjes së luftës tregtare shkruan telegrafi.

Trump kërkon që Pekini të heqë dorë nga disa praktika tregtare si transferimin e detyrueshëm të teknologjisë, vjedhjes së pronës intelektuale, ndërkohë që blen edhe më shumë mallra amerikanë të bujqësisë.

Ai ka vënë tarifa ndaj mbi 500 miliardë dollarë mallra kinezë, ndërsa Pekini ndaj 110 miliardë produkteve amerikane. Kina i ka kërkuar Shteteve të Bashkuara që të heqin tarifat, pasi mund të godasin të gjithë ekonominë botërore.